Yannate Odoo

Sidaamu Dagoomu Qoqqowi Mootimma Loosu Dandootenna Interprayizootu Latishshi Biiro Dandootenna Interprayizootu Irko Handaarinna Ogimmate Dandoo Buuxo Ejense 2015 M.Diri 10 Agani Loosu Rippoorte Shiqqeenna Hasaawa Assitinno.

Hasaawu aana leeltinoti Sidaamu qoqqowi loosu dandootenna interprayizootu latishshi biiro sooreette dukko Hageretsiyoon Abbebeti tekiniketenna ogimmate kolleejjuwa dandootenna egennotenni ikkadda ikkino qansicha kalaqate noonsa qeechi jawa ikkasi kulte, qajeelsiisatenna qajeelate harinsho garunninna wodho agartinota assatenni loosa agartannota xawissino.

Dukko Hageretsiyoon Dandootenna interprayizootu irko handaarinna ogimmate dandoo buuxo ejensenni shiqqino rippoorte laisse coyidhanni, diroho amandoonni mixo garinni woyyino loossa loosantanni nootanna rippoortete giddo xe'ne ikkite ka'u hedo aana seekine hasaawatenni sunfe qaafo adha agartannota xawissino.

Tayixe diro haaro qajeelaano adhate widoonni, keenatenna meyaa qajeelaano ikkadimma gotti assate ragaanni noo mitiimma halamme tira hasiissanno yitinno.

Sidaamu qoqqowi loosu dandootenna interprayizootu biiro 2kki sooreessinna Dandootenna interprayizootu irko handaari sooreessi kalaa Fiissi Fichoolihu ogimmatenni ikkadda ikkinonna gobbate deerrinni hettisamaancho ikkino qansicha kalaqate illacha tunge loonsanni hee'noonnita coyirino.

Sidaamu qoqqowi ogimmate dandoo buuxo ejensehu qaru dayirektere kalaa Kanchulli Kambehu haammata uurrinshuwa ledo sheemaate eatenni keenamaanote ikkadimma keente ogimmate dandoo buuxo sertefikeete uyitanni keeshshitinota kule, tayixe dirono 44 uurrinshuwa ledo sheemaate e'e loossanni afantannota xawisino.

Hasaawu beeqqaanono rippoortetenni shiqqino laafa midaadi aana uyinoonninsa qeecha ikkadimmatenni fulatenni jawaata assate loossannota xawissino.

በሲዳማ ብሔራዊ ክልላዊ መንግስት የሥራ ክህሎትና እንተርኘራይዞች ልማት ቢሮ የክህሎትና እንተርኘራይዞች ድጋፍ ዘርፍና የሙያ ብቃት ማረጋገጫ ኤጀንሲ የ2015 ዓ.ም የ10 ወር የሥራ አፈጻጸም ተገምግሟል።

Sidaamu Dagoomu Qoqqowi Mootimma Loosu Dandootenna Interprayizootu Latishshi Biiro Loosiissiranotenna Loosaasinette, Baadiyyete Loosu Kaayyo Kalaqonna Quchumu Loosu Kaayyo Kalaqonna Sagalete woowe Buuxishshi Handaarrati 2015 M.Diri 10 Agani Loosu Jeefishshi Rippoortuwa Shiqqeenna Keenote Hasaawa Assitinno.

========================

Keenote hasaawa massagginoti Si/ qo/ lo/ da/ int/ la/biiro sooreette dukko Hageretsiyoon Abbebeti loosiisaanotenna loosaasinete widoonni loosu baserra kalaqantanno sumuu yaa hoogate mitiimma tiratenna injiino loosu qooxeessa kalaqate ragaanninna wolootta loossa woyyitino loosu gumulo noota xawissino.

Baadiyyetenna quchumu loosu kaayyo kalaqonna sagalete woowe buuxishshi handaarinni shiqqino rippoorte laisse dukko Hageretsiyoon coyidhanni, diroho haammatu wedelli mootimma injeessitino loosu kaayyo horaameeyye ikkinota kulte, qansoota kaayyotenni horaameeyye assate xaano roore loosa agartanno yitino.

Si/ qo/ lo/ da/int/ la/ biiro layinkinna loosiisaanotenna loosaasinete handaari sooreessi kalaa Tewodros Gawiiwihu alba leeltanno mitiimmuwa badatenninna hasiisanno illacha aatenni gumaamma loossa loosantinota kule, sunfeno baxxino illacha hasidhanno hajja aana illacha tugatenni woyyinore assate loonsanni yiino.

Baadiyyetenna quchumu loosu kaayyo kalaqonna sagalete woowe buuxishshi rippoorte shiqishinohu biirote layinkinna baadiyyete loosu kaayyo kalaqo handaari sooreessi kalaa Kefiyalewu Kebbedehu, looso hasidhanno qansoota loosu kaayyonni horaameeyye assate baajeettete dirinni noo injoo baala horonsiratenni haammatu qansooti kaayyote horaameeyye ikka dandiinota xawisino.

Biirote layinkinna quchumu loosu kaayyo kalaqonna sagalete woowe buuxishshi handaari sooreessi kalaa Taariku Doonqihu isiwidoonni quchummate loosu hoonge ajishatenna rosonsa jeefisse looso hasidhanno wedella fille qineessatenni haammatu wedelli loosu kaayyo horaameeyye ikkinota kule, 21 kume aleenni ikkanno qansooti sagalete woowe buuxishshi horaameeyye ikkanni no yiino.

Sidaamu Dagoomu Qoqqowi Mootimma Pirezidente Ayirradu Kalaa Desta Ledamo Nayijeeriyu gobbara Abuuju quchumira assinanni keeshshinoonni songo gumulanteenna Hawaasira higino. Keeshshi yannara daddalu, investimentete, quchummatenna industirete latishshi aana woyyaawino xaadooshshe kalaqatenni Afirikaho woyyitino lophonna jireenya abbara dandaanno hasaawa assino. Sidaamu D/Q/M Pirezidaantete B/Mini Wocawaaro 23-2015 MD Hawaasa

Sidaamu Dagoomu Qoqqowi Mootimma Pirezidaante Kalaa Desta Ledamo Borrosi Mine Tophiyaho Isiraeelete ambaasaaddare Allelliny Adimaasu haa're hasaawisi.

Sidaamu Dagoomu Qoqqowi Mootimma Pirezidaante Kalaa Desta Ledamo Borrosi Mine Tophiyaho Isiraeelete ambaasaaddare Allelliny Adimaasu haa're hasaawisinoha ikkanna hasaawinsa yannara Isiraeelete Mootimmanni Qoqqowonke irkinsanni hajubba aana hasaabbino.

Ayirradu Pirezidaante Kalaa Desta Ledamo

Sidaamu daga wosina haadhe koyisidhanno daga ikkitinotanna xaa yannara qoqqowinke giddo ga'labbote huluullo nookkitanna Isiraeelelte qansooti qoqqowonke dagge woxensa fushshite loosidhuro tirfidhannore ikkitinota xawisino.

Ayirradu Pirezidaantichi qoqqowinke giddo noota Investimentete doorshi hala'ladunni noota ambaasaaddarchoho xawisinota ikkanna qoqqowinkeno Addis Awawaho mule ikkasinni sae horophilu owaante heeranna rankete doogo loosante gooffanni heerase dooraminoha assitinota xawise dureeyye loosidhuro horameeyye ikkitannota kule saino.

Qoqqu mootimma dureeyyete hasidhanno daninni loosidhanno gede investimentete doorsha qpineessitinoha ikkasinna Turizimete handaarinnino hala'adunni loosate qixxaawo mucci yitinota xawisino.

Tophiyaho Isiraeelete ambaasaaddare Allelliny Adimaasu qoqqowu mootimma amaddino ajuujanna dureeyyete qinaawino garinni investimentete doorsha qixxeessitinota naade Isiraeelete dureeyyera Sidaami qoqqowo la'nohunni huwanyoote aannota xawise Isiraeelennita dancha gade Sidaamira qolle abbate loonseemmo yino.

Sidaamu D/Q/M/Pirezidaante B/Mine

Wocawaaro 11-2015 M.D

Dagate halaalaancho mashalaqqe iillishatenni kaphu duduwo gargara baalunku qeecha ikkitinota Sidaamu Dagoomu Qoqqowu Mootimma Pirees Sekireetaariyaate Sooreessi Kalaa Filiphoosi Naahoomihu xawisino.

Kalaa Filiphoosi tenne xawisinohu qoqqowu yannate hajubba aana xawishsha uy yannaraati.

Miidiyu bissano ikkituro hasidhanno taje qoqqowu giddi seerunni tantannoonni uurrinshubbawa shiqqe adhite mashalaqqe tuqisa hasiissanota coyrino.

Qoqqowu giddo ga’labbote loosira balaxo uynenna illacha tunge loonsanni hee’noonnita kule; loonsoonni loosinni qansootu qoosso agaranteenna woleho lawishsha ikkanno garinni ga’labbote loosi loosamanni afamanno yiino.

Ga’labbote bissa dagate ledo halamatenni qinaabbe loossanni afantanno yiinohu Kalaa Filiphoos; ikkanna konni handaarinni naaxxisiisanno gumi maareekkamanni leellannota buuxisino.

Qasiisote afantanno qoqqowubbanna zoonna ledo nooha dancha xaadooshshe sufisiisate hajo la’anno bissa ledo yanna yannatenni xaandanni hegeraame ga’labbo wole qoqqowubbanna zoonna daga ledo heedhanno gede assate loosi kaajjino garinni sufanni afamannotano huwachiishino.

Xaa yannara qoqqowinke giddo noo keere booreessate, daga hembeelsatenna daganke mittimma diigate qoqqowo la’annokkitanna halaale ikkitinokki mashalaqqe kaphu qoollaranna addi addi dagoomitte miidiyubbaara fincinanni mashalaqqe co’ontanni kapho ikkitinota affe daganke qoropho assitanno gede qaagiissino.

Latishshu Loossa Lainohunni, qoqqowu giddo latishshu loossa halashshatenni maatete jireenya buuxisiisate illacha tunge loonsanni hee’noonnita coyre; gammoojjitte qooxeessuwara xeenu anjenni gawajjamino gide goyrete loosinni riqiwate roorimankanni alichaame ayyarete gade noo qooxeessuwara illacha tunge loonsanni hee’noonnita xawisino.

Tayxe dirinni goyrete loosinni calla 89,233 he/r latisate hende 91,222 he/r latisate dandiinoonnitano xawise; harunsine arro gorsu loosinni 67,000 he/r latisate hendoonni yiino.

Mootimmate widoonni diilallote gade soorronni baino gide riqiwate 47 miliyoone birranna; xeenu anjenni daggara dandiitanno hude gargarate mootimma balaxxe 50 miliyoone birra gaante loosu giddora e’e daga irkisate looso loossinotano Sooreessu xawsino.

Sai dirira arri qamade wixatenni ikkado guma maareekkisiisa dandiinoonnihura konni dirirano arri qamade wixate illacha tunge loonsannita huwachiishino.

Safote latishshi loossa lainohunni qoqqowo wolu qoqqowinni, woradda woraddatenninna olluubba olluubbatenni xaadissanno doogga tuqishshi hala'ladunni loosaminota coyrino.

Anganni xalalu way tuqishsha lainohunni qoqqowinke giddo 2012M.D geeshsha loosaminohu GTP-2 safaraanchi garinni baadiyyete 36%; quchumaho 50.35%; mereerimunni 38.2% illinoha ikkanna; 2013M.D kawa 515 nootanna haaro uurrinshubba ijaarsatenni baadiyyete 47.7%; quchumaho 59%; mereerimunni 49.5% iillishate dandiinoonnita xawisino.

Tayxe diri rosanna rosiisate amanyooti Wocawaaro 9/2015M.D kayse albiwinni woyyaawino garinni haranni nootano coyrino.

Konni dirira rosu isilanchimma lossatenna rosaanote guma woyyeessate illacha tunge loonsanni hee’noonnita xawise; haaru finoote kaarti garinni loosate sumuumme kalanqe qixxaawo gunde loosu giddora e’noonni yiino.

Qoqqowu deerrinni kiirotenni 71 ikkitannota balaxote rosi minna hallanyootu dureeyyenni minate qixxaawo gunde loosu giddora e’noonni yee, rosu isilanchimmara qoqqowu mootimma assitanno sharrora daga halante loossanno gede sokka saysino.

Sidaamu D/Q/M Pirezidaantete B/Mini

Wocawaaro 20-2015 MD

Hawaasa

Tayxe diro ayirrinsanniha Sidaamu Daga Diru Soorro Ayyaana Fiche Cambalaallate ayyaana Sidaamu Daga ledo mitteenni ayirrisate Oromiyu Qoqqowi Pirezidaantichi Kalaa Shimelis Abdiisihu, Afriku Lihiqetete Mereershi Layinki Dayrekiterichi Ambaasaadderi Shifarri Shuggexehu, Albi Hawaasi Quchumi Kantiibinna Xa Addis Ababu Quchumi Layinki Kantiibinna Quchumunna Konistiraakishinete Biiro Sooreessi Kalaa Xiraatu Beyyenehu, Addis Ababu Quchumi Mootimmate woshshamaanchi Kalaa Mellese Alemuhunna wolootu jajjabba Loosu Sooreeyye Sidaamu Dagoomu Qoqqowu Mootimma Qara Quchuma Hawaasa e'anni afantanno.

Tayxe diro ayirrinsanniha Sidaamu Daga Diru Soorro Ayyaana Fiche Cambalaallate ayyaana Sidaamu Daga ledo mitteenni ayirrisate Oromiyu Qoqqowi Pirezidaantichi Kalaa Shimelis Abdiisihu, Afriku Lihiqetete Mereershi Layinki Dayrekiterichi Ambaasaadderi Shifarri Shuggexehu, Albi Hawaasi Quchumi Kantiibinna Xa Addis Ababu Quchumi Layinki Kantiibinna Quchumunna Konistiraakishinete Biiro Sooreessi Kalaa Xiraatu Beyyenehu, Addis Ababu Quchumi Mootimmate woshshamaanchi Kalaa Mellese Alemuhunna wolootu jajjabba Loosu Sooreeyye Sidaamu Dagoomu Qoqqowu Mootimma Qara Quchuma Hawaasa e'anni afantanno.