Kalaa Kanchula kanbe

                                                                                                     Ejensete Dayirekiterechi  Sokka

Sidaamu Dagoomu Qoqqowi Mootimma Ogimmate Dandoo Buuxo Ejense qoqqowu amaale mini gumulaasinete biilloonyenna qeecha gumulate fulino lallawi kiiro 003/2012 M.D garinni tantanantino uurrinshsha ikkitanna ogimmate dandoo buuxo keenonni loosu dikkora heewisamaano ikkitino ogeeyye qoqqowahono ikko gobboomu deerrinni heedhanno industrubbara shiqishatenni jireenyu harumira jawa irko assitannore ikkado qansichoota kalaqate qara illacha assite loossanno uurrinshaati. Konni kaiminni ejensetenni owaante afidhanno yinanni bissa hallanyu uurrinshubba, mootimmannita ikkitino ikki uurrinshuwa, mootimmate tekinikenna ogimmate uurrinshuwa, indistirubba, keenamaano, illachu handaara massagganno mootimmate handaarubbanna shillaaddunna manaaddu interprayizooti miilla ikkitanna kuri uurrinshuwanni shiqqanno ogeeyye dandoonsa keenatenni ikkado ikkitinori loosu giddora bobbakkanno gede assate looso illanchinshe loonsanni. Ejensete uurrinshate wodho (heelliicho), isilancho keenote owaante harisanna  ikkadonna isilancho keenaano kalaqa, xanbille, xa’mamooshshunna ammanooshshu noo owaante aatenni fajjinoonninna deerra agadhino keenote massaara qixxeessanna baincho harinsho gargaranna konni kaiminni uyinoonni biilloonye,qeechanna looso garunni fulate jawaante loonsanni he’noonni. Konni daafira owaante roorenkanni gumaamenna qarooyye hattono isilancho assatenna ejensete uyinoonni eeggo woyyaawino garinni fulatenna baalanta loossa tekinoloojetenni irkise loosanna baalanka loossa yannillicho doogonni harisa hasiissannohura tin ejensete weebi saayitenna (website) sertefikeetete halaalaanchimma buuxxanno softi weere (certificate verification software) qixaabbe shiqqinno